"Қазақстан аруы - 2024" байқауының жеңімпазы анықталды (фото)

Алматыда "Қазақстан аруы - 2024" байқауының жеңімпазы анықталды. Биыл тәж Бағым Балтабаеваға бұйырды, деп хабарлайды KAZ.NUR.KZ.

Елдің ең әдемі аруы атану үшін Қазақстанның түкпір-түкпірінен 20 қыз бақ сынады. Байқауға қатысуға 200 мыңнан астам қыз өтініш берген.

Финалдық байқау Алматыдағы мейрамханалардың бірінде өткен. Іс-шара басталар алдында ғимаратта жарық сөніп қалған. Алайда бұл мәселе тез шешіліп, байқау жалғасты.

Қазылар алқасының құрамына ең бірінші Қазақстан аруы атанған Сәуле Рахметова, балерина Сабина Ыдырысова, дизайнер Айрат Надров, пластикалық хирург Ильяс Бейскенов, "Қазақстан аруы" ұлттық байқауының директоры Айжан Рузаева және қырғызстандық дизайнер Арзубек Вонама енген.

Биыл байқаудың лозунгы The Art Of Being A Woman болған. Ол "Әйел болу – өнер" деген мағынаны білдіреді. Ұйымдастырушылардың айтуынша, Қазақстандағы сұлулық байқауы кез келген саладағы әйелдерді қолдауға бағытталған.

Қатысушылар алдымен дефиледе жүріп, көрермен мен қазылар алқасының жүрегін жаулады. Осыдан кейінгі кезеңге 10 ару өтті.

Этнокостюм көрсетілімінен кейін сахнада бес қыз қалды. Олар интеллектуалдық сайыста білімін ортаға салды.

Барлық сайыс қорытындысы бойынша финалға өткен қыздар арасында жеңімпаз анықталды.

"Мисс people choice-2024" – Іңкәр Бақтияр

"Вице-мисс Қазақстан-2024" – Айдана Абылқасова

"Жер аруы Қазақстан-2024" – Томирис Қадырхан

"Ғалам аруы Қазақстан-2024" – Дана Алмасова

"Қазақстан аруы-2024" жеңімпазы Бағым Балтабаева атанды.

Жеңімпаз "Әлем аруы" байқауында Қазақстан намысын қорғайтын болады.