"Ең арзаны 4 млн АҚШ доллары": Атырауда мұнай-кен орындары саудаға шығарылды

Энергетика министрілігі Атырау облысындағы 10 кен орнын алғаш рет электрондық аукционға шығарды деп хабарлайды Астана арнасы.

Қойны қара алтынға толы аумақтарды қазақстандықтармен қатар, шетелдіктер де ғаламтор арқылы ашық сатып ала алады.

Ең арзан кен орнының құны - 4 млн АҚШ доллары.

Ал инвестицияны қажет ететін Сарайшық учаскесі 57 млн-ға, Забурунье учаскесі 63 млн шетелдік валютаға бағаланыпты.

"Жеке инвестор болсын, қазақстандық немесе шетелдік инвестор болса сатып алады. Бұрғылау жұмыстарын, өндіріс жұмыстарын өзі жүргізеді. Шетелдік және Қазақстан инвесторларынан 30 шақты арыз түскен", - дейді "Атамен" ұлттық кәсіпкерлер палатасының мұнай-газ саласындағы ресми өкілі Асылбек Жәкиев.

Сатып алушылардан да сұраныс түсіп жатқаны белгілі болды. Олар аукционға түсу жарнасы - 400 млн теңгені төлеп, түсуде. Қараша айының аяғында құжат тапсыру аяқталады. Ал жыл соңында электронды түрде ашық аукцион өтпек.

Ұйымдастырушылар аукционның ашық өтуін әкімшілік кедергілерді жойып, бесекелестікті арттыруға көмектеседі деп отыр.

Б. Надирқызы

Айта кетейік, бұған дейін мұнайдың үстінде отырған Доссор кентінің бүгінгі келбеті туралы жазған едік.

Сонымен қатар президент коронавирус пандемиясы мұнай және газ индустриясына кері әсері еткенін, салдарынан мұнайға деген сұраныс пен ұсыныс арасындағы тепе-теңдік бұзылғанын, оның бағасы төмендегенін айтқан болатын.