RU

Әйелдерге арналған ипотекалық бағдарламаның қашан басталатыны белгілі болды

Пәтер
Көрнекі фото: piqsels.com

Әйел адамдарға арналған "Ұмай" ипотекалық бағдарламасының қашан басталатыны белгілі болды деп хабарлайды "Отбасы банкі" Instagram парақшасында.

Банктің мәліметінше, ипотекалық бағдарлама 12 сәуір күні басталады. Бағдарламаға "Ұмай" деген атау берілген.

Жаңа бағдарламаның арқасында қазақстандық келіншектер несиені 15 пайыз бастапқы жарнамен немесе депозитке ақша жинамай-ақ рәсімдей алады.

"Бағдарлама бойынша несие мөлшерлемесі 12 пайыз және алдағы уақытта, яғни тұрғын үй қарызына ауысқан кезде несие мөлшерлемесі 3,5 пайызға дейін төмендейтін болады. Бағдарлама бойынша тұрғын үйдің ең жоғарғы құны - 30 млн теңгеге дейін", - дейді банк өкілдері.

Осы ретте бағдарламаға қатысу үшін отбасының жалпы айлық табысы 320 мың теңгеден аспауы тиіс екені атап өтілді.

Сондай-ақ "Ұмай" әйелдер ипотекасы бойынша тұрғын үйді алғашқы немесе қайталама нарықтан сатып алуға болады.

Одан бөлек жөндеу жұмыстарына 3,7 млн теңгеге дейін алу мүмкіндігі бар. Шарт бойынша клиент жөндеу жүргізілетін тұрғын үйдің меншік иесі немесе меншікке иелес болуы керек.

Айта кетсек, бұл бағдараламаға қатысатындардың атында баспанасы бар-жоғы тексерілмейді.

Егер клиенттің табысы жеткіліксіз болса онда кез келген бір-екі адамды қосалқы қарыз алушы ретінде шақыруға болады.

Несие шартының ең ұзақ мерзімі - 25 жыл.

Еске сала кетсек, елімізде баспана бағасы өскен еді.

Мақаланың түпнұсқасы: https://kaz.nur.kz/nurfin/1906935-aielderge-arnalgan-ipotekalyq-bagdarlamanyn-qasan-bastalatyny-belgili-boldy/