Балаға арналған Kaspi Gold-ты қамқоршылары да аша алады

Қорғаншылар мен қамқоршылар өз қамқорлығындағы балаға Kaspi Gold аша алады.

Бұрын балаға Kaspi Gold-ты тек анасы немесе әкесі аша алатын. Енді Kaspi.kz Оқу-ағарту министрлігімен, Цифрлық даму, инновациялар және аэроғарыш өнеркәсібі министрлігімен және «ҰАТ» АҚ-мен бірлесіп, бұл қызметті қорғаншылар мен қамқоршыларға да қолжетімді етіп жасады.

Kaspi.kz басшысы және негізін қалаушы Михаил Ломтадзе:

"Біз қазір балаға арналған Kaspi Gold-ты қамқорлығындағы балалардың қамқоршылары да аша алатынын қуана хабарлаймыз. Қазақстан Республикасы Оқу-ағарту министрлігімен, ЦИАӨМ және "ҰАТ" АҚ-мен бірлесе отырып, біздің команда тез арада осындай онлайн сервисті құрды. Балаға арналған Kaspi Gold арқылы сіз балаларға қажетті шығындар үшін ақша аударып, қаржылық сауаттылық негіздерін үйрете аласыз. Біздің сүйікті клиенттерімізге бізбен бірге болғандары үшін рақмет!"

Оқу-ағарту вице-министрі Айбат Ілиясов:

"Қазақстан Республикасы Оқу-ағарту министрлігі мемлекеттік қызметтерді электронды және проактивті форматқа көшіру бойынша жұмысты жалғастыруда. Kaspi.kz-пен бірге біз қорғаншылар мен қамқоршыларға қосымша қағаз сертификаттарын бермей-ақ балаларға Kaspi Gold картасын ашуға мүмкіндік беретін сервисті іске қостық. Қызметтердің онлайн қолжетімділігі оларды алуды жеңілдетеді және азаматтар мен қызмет көрсетушілер арасындағы байланысты болдырмайды".

"Ұлттық ақпараттық технологиялар" АҚ басқарма төрағасы Ростислав Коняшкин:

"Екі жыл бұрын ҚР Цифрлық даму, инновациялар және аэроғарыш өнеркәсібі министрлігінің бастамасымен біз мемлекеттік қызметтерді сыртқы платформаларға, соның ішінде банктік қосымшаларға енгізуді бастадық. Бүгінде біз кейбір қызметтердің eGov-қа қарағанда танымал екенін көреміз. Ақпараттық жүйелерді біріктірудің арқасында Kaspi.kz қосымшасындағы қызметтердің саны артып келеді. Енді қамқоршы балаға банк картасын ашуға мүмкіндік туды, сол арқылы біз бизнесті дамытуға және азаматтардың тұрмысын жақсартуға мүмкіндік береміз".