Қазақстанда доллар бағамы тағы көтерілді

Бүгін, 2 қазанда Қазақстан қор биржасындағы күнделікті сауданың қорытындысы бойынша доллар бағамы үш теңгеге өсті, деп хабарлайды KASE-ге сілтеме жасаған KAZ.NUR.KZ.

Дәл қазір Қазақстанда күндізгі сауданың қорытындысы бойынша доллар бағамы 3,36 теңгеге көтеріліп, 478,35 теңге деңгейінде тұрақтады.

NUR.KZ сайтындағы айырбас бағамының мәліметіне сүйенсек, қазақстандық екінші деңгейлі банктерден долларды келесі бағамен сатып алуға болады.

• Алматыда: сатып алу – 473-478 теңге, сату – 479-481 теңге;
• Астанада: сатып алу – 473-476 теңге, сату – 479-481 теңге.

Бұл ретте, қазақстандық айырбастау пункттерінде, Kurs.kz сайтының мәліметі бойынша, долларды келесі бағамен сатып алуға және сатуға болады:

• Алматыда: сатып алу – 477,5-478 теңге, сату – 481 теңге;
• Астанада: сатып алу – 472-475 теңге, сату – 479-480 теңге.

Естеріңізге сала кетейік, 27 қыркүйекте доллар бағамы шамамен 6 теңгеге көтеріліп, 482 теңгеден асты. Келесі күні ол күрт төмендеп, 477,57 теңгеге жетті.

29 қыркүйекте Қазақстан биржасында доллардың құлдырауы жалғасып, 474,47 теңгеге дейін түсті.