Алматы облысының жастары үшін жеңілдетілген ипотекалық бағдарлама іске қосылады

Алматы облысы жастары үшін "Алатау жастары" ипотекалық тұрғын үй бағдарламасы іске қосылады. Бұл туралы облыс әкімдігінің баспасөз қызметіне сілтеме жасаған KAZ.NUR.KZ хабарлайды.

Бағдарлама шарттары:

• несие сомасы 18 миллион теңгеден аспайды;
• бастапқы жарна – 10%;
• қарыз бойынша сыйақы мөлшерлемесі – 6%;
• несиелендіру мерзімі – 19 жыл.

Бағдарламаға кімдер қатыса алады?

• өтініш беру кезінде 35 жастан аспаған;
• ҚР азаматтығы бар;
• бағдарламаға қатысушының және отбасы мүшелерінің соңғы 5 жылда ҚР аумағында жылжымайтын мүлік болмауы керек;
• ҚР аумағында сатып алу құқығы мен жалға берілетін тұрғын үйдің болмауы;
• Алматы облысында таңдалған қызмет саласында ресми жұмыс өтілі – 1 жылдан кем емес болуы (зейнетақы жарналарымен расталған);
• бағдарламаға ерлі-зайыптылардың біреуі ғана қатыса алады.

Өтініштер қазанның 1-15 аралығында қабылданады.

Жұмыс уақыты: 10:00-18:00 дейін.

Құжаттарды Қонаев қаласы 1-шағын аудан №41, Бәйтерек БО, 1-қабат, акт залында тапсыруға болады.

Толық ақпарат алу үшін Whatsapp нөмір: +77066282806