Ескі 10 000 теңгелік купюраларды пайдалану мерзімі ұзарады

Ұлттық банк төрағасы Тимур Сүлейменов брифинг барысында қазақстандық банктер ескі 10 000 теңгелік банкноттарды пайдалану мерзімін ұзартуды сұрағанын мәлімдеді, деп хабарлайды KAZ.NUR.KZ тілшісі.

"Біз бұл мерзімді тағы бір жылға ұзартуды жоспарлап отырмыз. Оларға сұраныс жоғары, Қаржыгерлер қауымдастығы, яғни екінші деңгейлі банктер бізден мерзімді тағы бір жылға ұзартуды сұрады", - деді Сүлейменов.

Ескі 10 000 теңгелік банкноттардың пайдалану мерзімі 2026 жылдың маусымында аяқталуға тиіс еді. Енді олар 2027 жылдың маусымына дейін айналымда жаңа банкноттармен қатар жүреді.

Еске сала кетейік, жаңа дизайндағы 10 мың теңгелік банкнот 2024 жылғы 28 маусымнан бастап айналымға шықты – жаңа банкнот 2012 жылғы үлгілерді алмастыруда.

Мәтіннен қате тапсаңыз, бізге жазыңыз