Елімізде бірыңғай QR-код арқылы төлем жүйесі қашан іске қосылатыны белгілі болды

Ұлттық банк төрағасы Тимур Сүлейменов сенатта Қазақстан банктеріне ортақ QR-код 19 шілдеде іске қосылатынын мәлімдеді, деп хабарлайды KAZ.NUR.KZ тілшісі.

Кейінірек Ұлттық банктің баспасөз қызметі қосымша мәлімет берді. Ведомство мәліметінше, қаржы нарығын, байланыс және банкроттықты реттеу және дамыту мәселелері бойынша "ҚР кейбір заңнамалық актілеріне өзгерістер мен толықтырулар енгізу туралы" заңға енгізілген түзетулер 2026 жылдың 18 шілдесінде күшіне енеді.

19 шілдеден бастап елдегі барлық банк банкаралық QR төлемдерін енгізеді, бұл түрлі банктің клиенттерінен төлемдерді бірыңғай инфрақұрылым арқылы қабылдауға мүмкіндік береді.

Бұл сауда орындарына көптеген жеке шешімдерге тәуелділікті азайтуға және әлеуетті тұтынушылар ауқымын кеңейтуге мүмкіндік береді. Нақты сату нүктесіндегі терминалдар саны, бұрынғыдай, кәсіпкер мен банктің қызмет көрсету шарттары арқылы анықталады.

Технологиялық тұрғыдан алғанда, банкаралық QR әртүрлі банктің клиенттерінен бірыңғай өзара әрекеттесу арнасы арқылы төлемдерді қабылдау мүмкіндігін жасайды, бұл бірнеше құрылғыға деген қажеттілікті азайтуы мүмкін", - деп түсіндірді Ұлттық банк.

Айта кетейік, 2025 жылдың шілдесінде Тимур Сүлейменов бұл жоба 2025 жылдың соңына дейін толық жүзеге асырылады деп мәлімдеген еді.

Мәтіннен қате тапсаңыз, бізге жазыңыз