"Бірінші рет естіп тұрмын": Жұманғарин дәретхана қағазының қымбаттауына пікір білдірді

Сауда және интеграция министрі Серік Жұманғарин сенат кулуарында қазақстандықтардың дәретхана қағазының қымбаттауынан оны аз сатып ала бастағанынан бейхабар екенін айтты, деп хабарлайды KAZ.NUR.KZ.

Тиісті мәселені журналистер көтеріп, министрге сарапшылардың пікірінше, қазақстандықтар дәретхана қағазының қымбаттығына байланысты оны аз сатып ала бастағанын хабарлады.

Алайда Жұманғарин бұл жағдайдан хабарсыз екенін айтты.

"Дәретхана қағазының қымбаттағаны туралы бірінші рет естіп тұрмын. Қазір нұсқау беріп, нақтырақ жауап беремін. Қандай тауарлар қымбаттауы мүмкін? Бұл сұраққа жауап бере алмаймын.

Дүние жүзінде миллиондаған тауар бар. Әркімге сол немесе басқа тауар керек. Біріншіден бұған мүмкіндік жоқ, екіншіден қажет емес. Біз әлеуметтік маңызы бар 19 азық-түліктің өзіндік құнын қадағалап отырамыз. Сонымен қатар тұрмыстық химия, балаларға арналған тауарлардың бағасын қадағалаймыз", – деп жауап берді ол.

Мәтіннен қате тапсаңыз, бізге жазыңыз