"АрселорМиттал Теміртау" компаниясының жаңа инвесторы Андрей Лаврентьев туралы не белгілі

Бизнесмен Андрей Лаврентьев "АрселорМиттал Теміртау" компаниясының жаңа инвесторы қызметіне келді. Компанияның жаңа басшысы туралы не білеміз? Толығырақ KAZ.NUR.KZ материалынан оқыңыз.

"Юрист" ақпараттық іздеу жүйесі мәліметі бойынша, Андрей Лаврентьев 1979 жылы маусымның 29-ы Алматыда дүниеге келген. Ол - "Allur компаниялар тобы" АҚ директорлар кеңесінің төрағасы және AllurAuto компаниясының негізін қалаушылардың бірі.

"Әділет" жоғары заң мектебін "Құқықтану" мамандығы бойынша бітірген.

Сондай-ақ ол "АгромашХолдинг KZ" АҚ директорлар кеңесінің төрағасы.

Сонымен қатар ол "Атамекен" Ұлттық кәсіпкерлер палатасының мүшесі, ALMA University Қамқоршылық кеңесінің мүшесі;

"Қазақстан автомобиль бизнесі" қауымдастығының президенті әрі негізін қалаушылардың бірі, Қазақстан машина жасау одағы басқармасының мүшесі.

Андрей Лаврентьев "Құрмет" және "Парасат" орденінің иегері, "Құрметті машина жасаушы" төсбелгісі және тағы да басқа марапаты бар.

Оған қоса ол Қазақстанда өткен Ernst&Young халықаралық "Жыл кәсіпкері 2014" байқауының жеңімпазы, ал Forbes журналының "ҚР 50 ықпалды бизнесмені-2020" тізіміне еніп, 41-орыннан көрінген.

Лаврентьев үйленген, алты баласы бар.

Еске салайық, бүгін, желтоқсанның 8-і үкіметте өткен брифингте өнеркәсіп және құрылыс министрі Қанат Шарлапаев "АрселорМиттал Теміртаудың" жаңа инвесторының есімін жариялағанын жазған едік.

Мәтіннен қате тапсаңыз, бізге жазыңыз