Қытайлық компания Қазақстанда тағы бір АЭС-ті салатын консорциумның жетекшісі болады

Қытайдың CNNC компаниясы Қазақстанда тағы бір атом электр станциясын салатын консорциумның көшбасшысы болады, деп хабарлайды Қазақстанның Атом энергиясы жөніндегі агенттігіне сілтеме жасаған KAZ.NUR.KZ.

Атом энергетикасы агенттігінің төрағасы Алмасадам Сәтқалиевтің айтуынша, шорт-листке енген барлық преквалификациядан өткен қатысушының өзіне тән бірегей технологиялары бар. Дегенмен Қытай мен Ресей ұсынған жобалар объективті түрде ең мықты болып танылды.

"Қытай Халық Республикасымен атом саласындағы ынтымақтастық жөнінде жеке бас келісімге қол қою жоспарланып отыр. Біз Қазақстанда тағы бір атом электр станциясын салу үшін қытай технологияларын пайдаланғымыз келеді. Жалпы алғанда, әлемде толық атом циклін өз күшімен жүзеге асыра алатын елдер көп емес. Ал Қытай – мұндай мүмкіндікке ие, барлық қажетті технология мен индустриялық, өндірістік базасы бар мемлекет. Сондықтан біздің келесі басты басымдығымыз – Қытаймен ынтымақтастық", - деді Сәтқалиев.

Агенттік басшысы қытайлық тараппен тиісті келіссөздер жүргізілетінін атап өтті.

"Бізде жоғары деңгейде уағдаластықтар бар. Қытай тәжірибесін қабылдауға қызығушылық танытып отырмыз, олардың құрылысты жылдам әрі сапалы жүзеге асыра алатынын жақсы түсінеміз. Қазіргі таңда осы бағытта жұмыс бастап кеттік. Агенттік ретінде бізге тиімді консорциумдар құру міндеті де жүктеліп отыр", – деді спикер.

Еске салсақ, бұған дейін "Росатом" Қазақстандағы алғашқы атом электр станциясын салу жөніндегі халықаралық консорциумның көшбасшысы ретінде таңдалған болатын.

Мәтіннен қате тапсаңыз, бізге жазыңыз