Қазақстанда екінші АЭС құрылысы туралы шешім қашан қабылданады

Премьер-министрдің орынбасары Роман Скляр Тәуелсіздік сарайының кулуарында Қазақстандағы екінші АЭС құрылысы бойынша шешім қашан қабылданатынын айтты, деп хабарлайды KAZ.NUR.KZ.

"Мен осы күзде (шешім қабылданады - ред.ескертпесі) деп ойлаймын, оны ешкім ұзаққа созбайды деген ойдамын. Күзде кейбір нақты есеп-қисап, деректер белгілі болады, бірақ одан да ертерек болуы мүмкін", - деді журналистерге Роман Скляр.

БАҚ өкілдері екінші АЭС қай жерде салынатыны туралы шешім қашан қабылданатынын да сұрады.

"Салынатын жер бойынша да солай болады деп ойлаймын (күзде – редактордың ескертпесі)", - деді Роман Скляр.

Сонымен қатар Роман Скляр Қазақстанда екі атом электр станциясын қатар салу жоспарланып отырғанын және құрылыс көп кешіктірілмейтінін мәлімдеді.

Мәтіннен қате тапсаңыз, бізге жазыңыз