Елімізде ең төменгі жалақы мөлшерін 85 мыңнан 110 мың теңгеге дейін көтеру ұсынылды

Бүгін мәжілістің жалпы отырысында "2026-2028 жылдарға арналған республикалық бюджет туралы" заң жобасы қаралды, онда ең төменгі жалақыны көтеру ұсынылды, деп хабарлайды KAZ.NUR.KZ тілшісі.

"Халықаралық еңбек ұйымының ұсыныстарына сәйкес әзірленген ең төменгі жалақыны анықтаудың жаңа әдістемесінің қабылдануына байланысты Әлеуметтік-мәдени даму комитеті ең төменгі жалақыны 85 000 теңгеден 110 000 теңгеге дейін көтеруді қайта қарау қажет деп санайды", - делінген заң жобасының қорытындысында.

Еске сала кетейік, бұған дейін сенат депутаттары дамушы елдер ерекше ескерілген ең төменгі жалақыны белгілеу туралы конвенцияны ратификациялағанын хабарлағанбыз. Сенат төрағасы Мәулен Әшімбаев Конвенция ең төменгі жалақыны елдің макроэкономикалық көрсеткіштерін ғана емес, сонымен бірге азаматтарымыздың нақты қажеттілігін ескере отырып есептеуге мүмкіндік беретінін атап өтті.

Мәтіннен қате тапсаңыз, бізге жазыңыз