Қазақстанда электр энергиясының шекті тарифтері қайта қаралмақ

Қазақстанда энергия өндіруші ұйымдардың өтініштеріне байланысты олар үшін белгіленген шекті тарифтер қайта қаралмақ. Толығырақ KAZ. NUR.KZ материалынан оқыңыз.

"Ашық НҚА" порталында Қазақстан энергетика министрінің "Электр энергиясына шекті тарифтерді бекіту туралы" бұйрық жобасы жарияланды.

Құжатта көрсетілгендей, бұйрықты әзірлеуге 60 энергия өндіруші ұйымның электр энергиясын өндіру бойынша шекті тарифті түзету туралы өтініштері негіз болды.

"Елде тұрақты энергиямен жабдықтауды және генерациялаушы қуаттарды жоспарлы түрде жаңғыртуды қамтамасыз ету мақсатында 60 энергия өндіруші ұйым (ЭӨҰ) үшін шекті тарифтерді қайта қарау жүргізілді. Шешім жөндеу науқандарын уақтылы өткізу, сондай-ақ жабдықтардың сенімділігін жаңарту мен ұстап тұру бойынша ұзақ мерзімді бағдарламаларды іске асыру үшін қажетті қаржылық жағдайларды жасауға бағытталған, – делінген жобаның қысқаша мазмұнында.

Алайда шекті тарифтердің нақты қаншаға өзгеретіні және бұл қай өңірлерге әсер ететіні нақтыланбаған.

Құжат 2026 жылдың 6 қыркүйегіне дейін көпшіліктің талқылауында болады. Егер ол қабылданса, энергия өндіруші ұйымдар үшін тарифтерді өзгерту мерзімі биылғы жылдың 10 қыркүйегі деп көрсетілген.

Мәтіннен қате тапсаңыз,бізге жазыңыз