Үкіметте келесі жылы ел бюджетінің басым бөлігі қайда жұмсалатыны айтылды

Қаржы министрі Мәди Тәкиев Құрылтайдың жалпы отырысында ел бюджетінің үш жылдық кезеңге арналған негізгі шығыстарын айтты, деп хабарлайды KAZ.NUR.KZ.

Тәкиев депутаттарға "2027-2029 жылдарға арналған республикалық бюджет туралы" заң жобасын таныстырды.

"2027 жылдың үш негізгі көрсеткіші:

• кірістер — 25,4 трлн теңге;
• шығыстар — 30,2 трлн теңге;
• бюджет тапшылығы — 4,6 трлн теңге немесе жалпы ішкі өнімнің 2,3 пайызы.
• бұл ретте бюджет тапшылығы 2029 жылы 0,4 пайызға дейін біртіндеп төмендейді.

Мемлекеттің меншікті кіріс базасы нығайып келеді. Ол 2029 жылға қарай 23,4 трлн теңгеге дейін өседі", - деді ол.

Сонымен қатар ол 2027 жылы адами капиталға 10,5 трлн теңге немесе жалпы бюджеттің 35 пайызы қарастырылғанын атап өтті.

"2027 жылы әлеуметтік көмек пен қамтамасыз етуге арналған шығыстар атаулы тәсілмен қоса алғанда 6,9 трлн теңгені құрайды. Денсаулық сақтау саласына 2,5 трлн теңге қарастырылған. Қаражат кепілдендірілген тегін медициналық көмек көлеміне, дәрі-дәрмекпен қамтамасыз етуге және медициналық сақтандыруға бағытталады", - деді Қаржы министрі.

Білім беру мен ғылымды дамытуға 897 млрд теңге бөлу жоспарланып отыр.

Тағы бір маңызды бағыт – өңірлерді қолдау. Бұл мақсатқа жалпы бюджет көлемінің 7,4 трлн теңгесі немесе 24,8 пайызын бағыттау жоспарланған (инфрақұрылымды дамыту, қолайлы жағдай жасау).

"Қауіпсіздік пен мемлекеттік басқаруға – 4,9 трлн теңге немесе жалпы бюджет көлемінің 16,3 пайызы (күштік құрылымдар, мемлекеттік басқару). Қарызға қызмет көрсету – 3,5 трлн теңге немесе жалпы шығыстың 12 пайызы", - деп түйіндеді сөзін Мәди Тәкиев.

Мәтіннен қате тапсаңыз, бізге жазыңыз