1 қаңтардан бастап елімізде жеке және жүргізуші куәлігін алу қанша теңге тұрады

Жаңа жылдан бастап Қазақстанда айлық есептік көрсеткіш (АЕК) мөлшері 3 063 теңгеге дейін өседі, деп хабарлайды Sputnik Қазақстан.

Қазақстан Республикасының заңнамасына сәйкес, айлық есептiк көрсеткiш жәрдемақы және басқа да әлеуметтiк төлем, сондай-ақ айыппұл, салық және өзге де төлемдердi есептеу үшiн қолданылады.

• Паспорт алу үшін төленетін мемлекеттік баж салығы - 8 АЕК немесе 24 504.
• Жеке куәлік - 0,2 АЕК немесе 613 теңге.
• Жүргізуші куәлігін алу үшін төленетін мемлекеттік баж салығы - 1,25 АЕК немесе 3 828 теңге.
• Ттуу туралы куәлік алу ақша төлеудің қажеті жоқ. Себебі бұл куәлік тегін беріледі. Алайда акт жазбасына өзгерту, толықтыру, түзету енгізу немесе оны қалпына келтіру үшін 0,5 АЕК, яғни 1 532 теңге төлеу қажет.
• Неке тіркеу үшін жас жұбайлар 1 АЕК немесе 3 063 теңге төлейді. Ал неке қию туралы куәлікті екінші рет алу үшін 0,5 АЕК, яғни 1 532 теңге қарастырылған.
• Ажырасуға арыз беру кезінде төленетін мемлекеттік баж салығының мөлшері – 2 АЕК немесе 6 126 теңге.

Елімізде ең төменгі күнкөріс деңгейі қандай?

• Ең төменгі жалақы мөлшері - 60 000 теңге.
• Ең төменгі мемлекеттік базалық зейнетақы мөлшері – 19 450 теңге.
• Ең төменгі зейнетақы мөлшері – 46 302 теңге.

Базалық әлеуметтік төлемдерді есептеу үшін қажет ең төменгі күнкөріс деңгейі 2022 жылы 36 018 теңге мөлшерінде болады.

Мәтіннен қате тапсаңыз,бізге жазыңыз