Шетелдік маркетплейстер Қазақстанда тіркелуге міндетті болады

Шетелдік маркетплейстер Қазақстанда тіркелуге міндетті болады. Бұл туралы KAZ.NUR.KZ үкіметтің Telegram-арнасына сілтеме жасап хабарлайды.

Бүгінгі үкімет отырсында сауда және интеграция министрлігінің басшылығы шетелдік онлайн-дүкендердың қызметін қайта қарау бастамасын көтерген.

Атап айтқанда, ведомство басшысы Арман Шаққалиев шетелдік маркетплейстерді тіркеу бойынша электрондық платформаны енгізуді ұсынған. Бұдан бөлек, олар үшін тауарлардың қауіпсіздігі, контрафактіге қарсы күрес, тұтынушылардың құқықтарын қорғау, жеке деректерді сақтау және қорғау, салықтық және кедендік ашықтық жөніндегі талаптарды сақтау мақсатында міндетті шарттарды енгізу жоспарлануда.

Мұндай шараларды қабылдауға сатушылары Қазақстанның юрисдикциясынан тыс орналасқан шетелдік онлайн-сауда алаңдарына азаматтардың шағымдарының көбеюі себеп болған.