Салық кодексіндегі "тенге" сөзі түзетіледі

Жаңа Конституцияның күшіне енуіне байланысты Қазақстанның Салық кодексіне бірқатар түзету енгізілді, ол 1 шілдеден бастап күшіне енеді, деп хабарлайды KAZ.NUR.KZ.

Заңға сәйкес Салық кодексіне бірқатар терминологиялық түзету енгізіледі.

Кодекс мәтініндегі:

• "шетелдік" сөзі "шетел азаматы";
• "заңнамалық актілер" сөзі "заңдар";
• "тенге" сөзі "теңге" деп өзгертіледі.

Одан бөлек "Парламент" сөзі "Құрылтай" болып ауыстырылады. Сондай-ақ бірқатар бапқа "ҚР Құрылтайы" және "Қазақстан Халық Кеңесі" деген тіркестер қосылады. Ал "республикалық референдум" "жалпыхалықтық референдум" деп атала бастайды.

Сондай-ақ "облыстар, республикалық маңызы бар қалалар, астаналар" деп тізімдеу тәртібі "астаналар, облыстар, республикалық маңызы бар қалалар" деп өзгереді.

Айта кету керек, заң 2026 жылдың 1 шілдесінен бастап күшіне енеді.

Мәтіннен қате тапсаңыз, бізге жазыңыз