Үкімет су тасқынынан зардап шеккендер қосымша көмекті қалай ала алатынын түсіндірді
Опубликовано:
Үкімет су тасқыны салдарынан зардап шеккен тұрғындарға бүлінген үй заттарын өтеу бойынша қосымша көмек көрсету туралы шешім қабылдады. Бұл туралы KAZ.NUR.KZ ведомствоға сілтеме жасап хабарлайды.
Үкімет жариялаған мәлімет бойынша бүлінген үй заттарына тоңазытқыш, ас үй плитасы, үстел, орындық, кереует, кір жуғыш машина, теледидар немесе радио, сумен жабдықтау және жылыту құралдары кіреді.
Келтірілген залалды өтеу жергілікті әкімдіктер жанындағы тиісті комиссияның шешімі негізінде жүргізілетін болады. Зардап шеккендердің мүлкі 150 АЕК-тен аспайтын мөлшерде өтеледі.
"Тұрғындар көмекті мүліктің зақымдану сипатына қарай, біреу 150 АЕК, біреу 50 немесе 80 АЕК және тағы басқасын ала алады. Су тасқынынан зардап шеккен барлық отбасыларға төленетін 100 АЕК көлеміндегі біржолғы төлеммен шатастырмауды сұраймын", - деп атап өтті ТЖ вице-министрі Бауыржан Сыздықов.
- "Көңіл күйі ерекше болды": Атырауға көмекке аттанамын деп көз жұмған азаматтың әйелі жан сырын айтты
- Су басқан Құлсарының бүгінгі жай-күйі қандай
Мәтіннен қате тапсаңыз, бізге жазыңыз
Оригинал статьи: https://kaz.nur.kz/nurfin/pension/2089820-ukimet-su-tasqynynan-zardap-sekkender-qosymsa-komekti-qalai-ala-alatynyn-tusindirdi/