Елімізде шетелдік көліктерді заңдастыру: Ішкі істер министрлігі соңғы деректі ұсынды

Қазақстанның Ішкі істер министрлігі шетелдік көліктерді заңдастыруға қатысты соңғы деректі ұсынды, деп хабарлайды KAZ.NUR.KZ тілшісі POLISIA.KZ Telegram-каналына сілтеме жасап.

"Шетелдік автокөліктерді заңдастыру жалғасуда. Осы уақытқа дейін 25 842 өтінім мақұлданды. 5 375 адам көліктерін сәтті заңдастырып, құжатын алды", - делінген хабарламада.

Еске сала кетейік, шетелдік көліктерді заңдастыру 2023 жылдың 1 шілдесіне дейін жалғасатын болады.

Заңдастыру үшін талап етілетін ережелер:

• Автокөлік Қазақстанға 2022 жылдың 1 қыркүйегіне дейін әкелінген болуы керек;
• Криминалдық есепте болмауы керек;
• Басқа мемлекетте бұрынғы тіркелген жері бойынша есептен шығарылуы тиіс;
• Еуразиялық экономикалық одаққа кірмейтін елдерден әкелінген автокөлік кедендік тексерістен өтуі қажет.

Мәтіннен қате тапсаңыз, бізге жазыңыз