Қазақстан жолдарында қандай көліктер жүре алады: "ҚазАвтоЖол" рұқсат етілген салмақ мөлшерін жариялады

"ҚазАвтоЖол" Қазақстан автожолдарында көлік түрлеріне байланысты рұқсат етілген салмақ мөлшерін жариялады. Бұл туралы KAZ.NUR.KZ компанияның баспасөз қызметіне сілтеме жасап хабарлайды.

"Жол инфрақұрылымының қауіпсіздігі мен ұзақ мерзімді қызмет етуін, сондай-ақ жолдардың сапасын сақтап тұру үшін көлік құралдарына рұқсат етілген салмақтардың регламенттелген нормалары бар. Бұл стандарттар көлік құралының санатына байланысты", - делінген хабарламада.

Төменде әртүрлі санаттағы көліктерге арналған рұқсат етілген салмақтар (тоннамен) көрсетілген:

1. Дара автокөлік құралдары

М, N және О (тіркеме) санатты:

- екі білікті 18,0 т;

- үш білікті (М3 санатты буындастырылған автобустарды қоспағанда) 25,0 т;

- үш білікті дара автокөлік құралдары үшін әр жетекші білік екі қатарлы доңғалақпен жабдықталып және әр білікке түсетін жүктеме 9,5 тоннадан аспаған жағдайда жүктемені 1 тоннаға асыруға жол беріледі;

- М3 санатты буындастырылған автобустар 28,0 т;

- төрт білікті, оның ішінде екі басқару білігі бар 32,0 т;

- бес білікті 38,0 т;

- алты және одан да астам білігі бар 44,0 т;

2. Құрамында тартқыш пен тіркеме (жартылай тіркеме) бар автопойыздар:

- үш білікті 28,0 т;

- төрт білікті 36,0 т;

- бес білікті 40,0 т;

- алты білікті 44,0 т;

- алты біліктен жоғары дара автокөлік құралдарына жол берілетін салмақтарының қосындысынан аспауы тиіс.

"ҚазАвтожол" мамандары бұл нормалар тек жол жабынының сақталуына ғана емес, сондай-ақ көлік құралдары үшін қауіпсіз қозғалысты қамтамасыз ететінін атап өтті.

"Айыппұлдар мен басқа да заңнамалық мәселелерді алдын алу үшін көлік құралдарының иелері мен жүргізушілер міндетті түрде осы талаптарды сақтауға тиіс", - деді мамандар.

Мәтіннен қате тапсаңыз, бізге жазыңыз