Астанада велосипед жалдау бекеттері бұғатталады

Астанада қалалық велосипед жалдау маусымы аяқталады. Бекеттер бұғатталады, деп ескертті астаналықтар City Transportation Systems-ке сілтеме жасаған KAZ.NUR.KZ.

Компанияның әлеуметтік желіде жарияланған ақпаратына сәйкес, 31 қазанда қалалық велосипедтерді жалға беру маусымы ресми түрде аяқталады.

"Барлық станциялардағы велосипедтер 31-інен 1-іне қараған сағат 00:00-де бұғатталады. Осыдан кейін жалдауды пайдалану мүмкін болмайды. Абоненттік төлем келесі маусымға сақталмайды, тек теңгерім ауыстырылады", - делінген хабарламада.

Қалаған жағдайда теңгерімде қалған қаржыны Р. Қошқарбаев даңғылы, 50/1 мекенжайындағы CTS Орталық кассасынан қайтарып алуға болады.

Айта кетсек, velobike.kz сайтының ақпаратынша, велошеринг жүйесі елордада алғаш рет 2014 жылы жұмыс істей бастаған. 16 жастан асқан адамдар велошеринг қызметтерін пайдалана алады.