Бұрынғы қызметкер

Алматыдағы ғимараттарды сейсмикалық күшейту Жапония мен АҚШ тәжірибесі негізінде жүргізіледі

Опубликовано:6 желтоқсан 2024, 09:52

Алматы қаласы. Фото: NUR.KZ/Петр Карандашов

Алматыда ғимараттарды сейсмикалық күшейту жұмыстарында басқа елдердің тәжірибесі пайдаланылмақ. Бұл туралы мәслихаттың кезектен тыс сессиясында қала әкімі Ерболат Досаев мәлімдеді, деп хабарлайды KAZ.NUR.KZ.

"2025 жылдың бірінші жартыжылдығында біз желтоқсан айында аяқтайтын сейсмикалық аудит нәтижелері бойынша Жапония, АҚШ және Израиль тәжірибесі негізінде ғимараттарды сейсмикалық күшейтудің жеке қалалық бағдарламасы әзірленіп, іске асырылады.

Алматыда қабылданған тұрғын үйлерді жаңарту бағдарламасы аясында әлеуметтік және әкімшілік ғимараттарды сейсмикалық күшейту бойынша қолданыстағы жұмыстарды ретке келтіреміз", - деді қала әкімі.

Ол жер сілкінісін ерте хабарлаудың автоматтандырылған жүйесін жетілдіру үшін алдағы үш жылда 70 жаңа сейсмикалық станция орнатылатынын айтты. Бұл үшін қала бюджетінен 700 миллион теңге қарастырылған.

Айта кетейік, бұған дейін Қазақстанда Сейсмология саласын дамытудың 2024-2028 жылдарға арналған кешенді жоспары қабылданды.

Сонымен қатар Алматыда Mass Alert жер сілкінісін ескерту жүйесі пилоттық режимде іске қосылған болатын.

Мәтіннен қате тапсаңыз, бізге жазыңыз