"Өз көлік маркамыз жоқ": министр Қазақстанда көлік бағасы төмендейді деп уәде берді

Үкімет брифингінде Өнеркәсіп және құрылыс министрі Ерсайын Нағаспаев қазақстандықтарды автомобиль нарығында қандай өзгерістер күтіп тұрғанына болжам жасады, деп хабарлайды KAZ.NUR.KZ тілшісі.

Ерсайын Нағаспаев Қазақстанда шетелдік брендтерге тиесілі көліктер шығаратын компаниялар жұмыс істейтінін еске салды.

"Біз ұлттық бренд шығармаймыз; біздің өз көлігіміз, маркамыз жоқ. Біз зауыттарымызда шетелдік көліктер өндірісін жолға қойдық. Және біз оларды айтарлықтай көп мөлшерде шығарамыз.

Өткен жылдың қорытындысына сәйкес, 171 000 автомобиль шығарылды. Мен қаңтар айындағы сатылымды қарадым — жалпы алғанда автомобиль сатылымы 25 пайызға өсті, оның 80 пайызы — Қазақстанда өндірілген автомобильдер", - деді ол.

Сонымен қатар, оның айтуынша, 2025 жылғы қаңтарда автомобиль бағасы 105 пайызға өскен. Ал Қазақстанда жасалған автомобильдер бағасының өсімі 101 пайызды құрады.

"Қазақстандық зауыттарымыз маркалар қатарын жыл сайын кеңейтіп отыратынын білесіз. Жаңа маркалар шығарылған сәтте бағалар сөзсіз төмендей бастайды. Мен мұны сенімді түрде айта аламын. Біздің көліктеріміздің өндірісі қытайлық көліктердің бағасының төмендеуіне ықпал етеді", - деп сендірді министр.

Мәтіннен қате тапсаңыз, бізге жазыңыз