"Ұмай" ипотекалық бағдарламасы қашан қайта іске қосылатыны белгілі болды

Бүгін үкіметтегі баспасөз мәслихатында "Отбасы банк" басшысы Ляззат Ибрагимова әйелдерге арналған "Ұмай" ипотекалық бағдарламасының қашан басталатынын айтты, деп хабарлайды KAZ.NUR.KZ.

""Ұмай" ипотекалық бағдарламасын жалғастыру жоспарланып отыр. Біз Азия даму банкімен меморандумға қол қойдық. Қазір барлық қажетті құжатты пысықтап жатырмыз. Жоспарланған сома (тартылатын сома – ред.ескертпесі) 90 млрд теңге – 50 пайызы "жасыл" ипотекаға және 50 пайызы "Ұмай" ипотекасына, максималды сома 45 млрд теңге", - деді Ляззат Ибрагимова.

Оның айтуынша, әлеуметтік желіде жазып, мерзімдер туралы сұрап жатқан азаматтар көп.

"Бәріміз күтіп отырмыз. Шілде немесе тамыз айында бастауды ойластырып жатырмыз", - деді ол.

Сондай-ақ бүгін "Отбасы банк" басшысы тұрғын үй бағасына болжам жасады. Сондай-ақ "Отбасы банк" коммерциялық ипотека беруді тоқтатуы мүмкін екені айтылды.

Мәтіннен қате тапсаңыз, бізге жазыңыз