Қазақстанда доллар тағы да қымбаттады

Қазақстан қор биржасындағы 4 шілде күндізгі сауда-саттықтан кейін доллар қайтадан қымбаттады. Бұл туралы KASE ресми сайтындағы мәліметтерге сілтеме жасаған KAZ.NUR.KZ хабарлайды.

Доллардың орташа бағамы 2,69 теңгеге қымбаттап, 475,39 теңгені құрады.

Айта кетейік, өсім дүйсенбі, 1 шілдеде байқалған. Америкалық валюта 3,34 теңгеге қымбаттады. Өткен жұмада да доллардың күрт өсуі байқалды – АҚШ ақшасы бірден 6,2 теңгеге қымбаттады.

Соған қарамастан 2 шілдеде доллар бағамы бірден 3 теңгеге арзандады.

NUR.KZ сайтының айырбас бағамы парақшасындағы ақпаратқа сәйкес, қазақстандық екінші деңгейлі банктер долларды келесідей бағамен саудалап жатыр:

• Алматыда: сатып алу – 472,4-474,5 теңге, сату – 476,3-477,4 теңге;
• Астанада: сатып алу – 472,4-473 теңге, сату – 477-477,4 теңге.

Kurs.kz мәліметі бойынша қазақстандық айырбастау орындарында долларды келесі бағамен сатып алуға және сатуға болады:

• Алматыда: сатып алу – 474,4-475 теңге, сату – 476-477 теңге;
• Астанада: сатып алу – 471 теңге, сату – 476 теңге.

Мәтіннен қате тапсаңыз, бізге жазыңыз