Ұлттық банк Ұлттық қордан 600-ден 700 млн долларға дейінгі мөлшерде валюта сатпақшы

Қазақстанның Ұлттық банкі өкілдері қыркүйек айындағы ұлттық валюта жағдайын баяндап, осы жылдың қазан айына арналған жоспарлар туралы хабардар етті. Бұл туралы банктің баспасөз қызметіне сілтеме жасаған KAZ.NUR.KZ.

Банк өкілдерінің ақпаратына сәйкес, қыркүйектің қорытындысы бойынша теңге бағамы 1 АҚШ доллары үшін 549,07 теңгеге дейін 1,9%-ға әлсіреген. Қазақстанның қор биржасындағы сауда-саттықтың орташа бір күндік көлемі бір айда 217 млн АҚШ долларынан 248 млн АҚШ долларына дейін ұлғайды. Жалпы сауда-саттық көлемі 5,2 млрд АҚШ долларын құрады.

Оған қоса қыркүйекте Ұлттық қордан 500 млн АҚШ долларына валюта сатылды. Бұл  республикалық бюджетке трансферттер бөлуді, сондай-ақ "Талдықорған-Үшарал" магистральдық газ құбырының инфрақұрылымдық жобасын қаржыландыруды қамтамасыз етуге мүмкіндік берді. Ұлттық қордан сату үлесі жалпы сауда-саттық көлемінің 9%-ын немесе бір күнде шамамен 24 миллион АҚШ долларын құрады.

"Күтілетін фискалдық түсімдерді ескергенде, Үкіметтің алдын ала болжамды өтінімдері бойынша қазан айында республикалық бюджеттен трансферттер бөлу үшін Ұлттық Банк Ұлттық қордан 600 млн АҚШ долларынан 700 млн АҚШ долларына дейінгі мөлшерде валюта сатылады деп күтеді.

Бұған дейін хабарланғандай, Ұлттық Банк 2025 жылдың басынан бері отандық өндірушілерден алтын сатып алу операцияларын теңестіре бастады. Қыркүйекте 290 млрд теңге алынды", - делінген хабарламада.

Сонымен қатар алтын бағасының айтарлықтай өсуі кезінде айналау аясында өтімділікті алу көлемі алтын сатып алу операцияларына байланысты теңге эмиссиясы көлемінен артта қалып отыр. Осы жылдың басынан бері жинақтап алынбаған өтімділікті ескере отырып, айналау операциялары аясында IV тоқсан ішінде 1,4 трлн теңгеге балама сомада шетел валютасын сату жоспарда бар.

Мәтіннен қате тапсаңыз, бізге жазыңыз