Bybit Kazakhstan токендеу мен цифрлық төлем мүмкіндіктерін қарастырып жатыр

Bybit Kazakhstan "Alatau City Authority" арнайы басқару ұйымымен ынтымақтастық туралы меморандумға қол қойғанын хабарлайды. Бұл ұйым Алатау қаласының арнайы құқықтық режим аясында жұмыс істеуі мен дамуын қамтамасыз етуге жауапты. Меморандумға 1-3 қазанда Астанада өткен AI & Digital Bridge 2026 форумында қол қойылды. Меморандум тараптардың қала үшін цифрлық активтерге негізделген шешімдерді дамытудағы ынтымақтастық ниетін бекітеді.

Алатау жеке құқықтық ортасы бар жаңа смарт-қала ретінде дамып келеді, оның ішінде цифрлық активтермен жұмыс істеудің арнайы қағидалары қарастырылған. Меморандум осы орта қалыптасқан сайын Bybit Kazakhstan пен Alatau City Authority арасындағы диалогқа негіз қалайды және Алатаудың қаржы хабы мен инновациялық орталық ретіндегі келесі даму кезеңіне қатысты ортақ көзқарасты айқындайды.

Меморандум ынтымақтастықтың үш бағытын қамтиды:

• Нақты активтерді токендеу – токенделген активтер мен құралдарды шығару, есепке алу, айналысқа енгізу және қажет болған жағдайда саудаға жіберу модельдерін зерделеу.
• Цифрлық активтермен төлемдер – Алатау қаласының тұрғындары, бизнесі мен қонақтары үшін төлем шешімдерін әзірлеу.
• Трансшекаралық аударымдар – цифрлық активтерді пайдалана отырып ақша аударымдары мен есеп айырысу шешімдерін әзірлеу

"Алатау – цифрлық қаржыны қалаға ең басынан, айқын құқықтық орта аясында енгізуге болатын сирек мүмкіндік.

Токендеу, төлемдер және трансшекаралық есеп айырысулар - цифрлық активтер адамдар мен бизнеске ең көп практикалық пайда әкелетін бағыттар. Қаланың құқықтық базасы қалыптасқан сайын біз реттелетін цифрлық активтер инфрақұрылымын құрудағы тәжірибемізбен бөлісуге дайынбыз", - деді Bybit Kazakhstan Регионалдық менеджері Аблайхан Әубәкір.

Меморандум Bybit Kazakhstan-ның AIFC қатысушысы және AFSA лицензиясын иеленген компания ретінде Қазақстанда реттелетін цифрлық активтер инфрақұрылымын дамыту жөніндегі жұмысын жалғастырады.

*Дисклеймер: Бұл материал тек ақпараттық мақсатта ұсынылған. Ынтымақтастық туралы меморандум тараптардың ниетін білдіреді, міндеттемелер тудырмайды және лицензия, рұқсат, реттеушілік мақұлдау немесе қандай да бір өнімді не қызметті ұсыну болып табылмайды. Сипатталған қызмет қолданылатын лицензиялық және реттеушілік талаптарға бағынады. Сипатталған өнімдер мен қызметтер кейбір юрисдикцияларда қолжетімсіз болуы мүмкін. Инвестициялық шешім қабылдамас бұрын инвесторларға қолданылатын шарттармен танысып, өз тәуекел деңгейін бағалау ұсынылады.

**PR құқығында

Мәтіннен қате тапсаңыз, бізге жазыңыз