Арнайы жасақ шабуылдаған Атамбаев резиденциясы қандай халде? (фото, видео)

Әлеуметтік желілерде Қырғызстанның экс-президенті Атамбаевтың екі рет арнайы жасақ жаулап алмақ болған Қой-таштағы резиденциясының суреттері жарияланды деп хабарлайды KAZ.NUR.KZ.

Елдің экс-басшысын арнайы жасақтың жауынгерлерімен басып алудың салдарынан қирап қалған үйдің видеосын "РУ_ЧП" Telegram-арнасы жариялады.

Кадрлардан есіктер мен қабырғалардағы қан іздері, шашылған заттар, аударылған жиһаз, оқтың іздері көрінеді.

24.kg басылымы жазғандай, бүгін Қой-Ташта өткен күндердің оқиғаларын еске түсіретін дүние аз екен.

Не баррикад, не тас немесе блокпост та көрінбейді. Тас жолдың өзінде енді тас та, көлік дөңгелектері де жоқ.

Ауылдағы өмір қалпына келуде.

Анықталғандай, Алмазбек Атамбаевтың жақтастары өздері тәртіпті қайта жандандыруда.

Олар жол бойындағы қоқыс пен тастарды жинастырып жүр. Бұрынғы президенттің үйі де тыныш.

"Біз Алмазбек Атамбаевтың туыстарымыз. Біз бұл жерді жинастыру үшін, үйдің тас талқанын шығармас үшін күзетудеміз", - деді өз есімін жасырын қалдырғысы келген ер адам.

Оның сөзінше, Атамбаев ұсталғаннан кейін үйге ұрылар түсіп, бәрін қирата бастаған.

Бәрінен бұрын бірінші және екінші қабаттар зардап шеккен. Үйден құнды әрі бағалы заттар шығарылыпты.

Үшінші қабат қатты қирамаған. Болған оқиғаны тек топырағы бар қапшықтар мен орнатылған жиһаздар еске түсіреді.