Джо Байден ресми түрде АҚШ-тың 46-шы президенті атанды (фото, видео)
Опубликовано:
![Байден Байден](https://cdn.nur.kz/images/1120x630/1f9ee6beb895061d.jpeg)
Бүгін АҚШ-тың астанасы Вашингтонда жаңадан сайланған президент Джо Байденнің ұлықтау рәсімі өтіп, Байден ресми түрде АҚШ президенті атанды. Оқиға орнынан бейнетрансляция жүргізілуде.
Сағат 12:00-де ( Нұр-Сұлтан уақытымен 23:00-де) басталған ұлықтау рәсімінде жаңадан сайланған президент ант беріп, халқына үндеу жолдады. Салтанатты рәсім COVID-19 пандемиясы мен қауіпсіздік мәселелеріне байланысты жеңілдетілген форматта өткізілген.
![Ұлықтау Ұлықтау](https://cdn.nur.kz/images/1120/70e238de757c456f.jpeg)
Инаугурацияға қатысты өзге іс-шаралар Вашингтонда өтіп жатыр. Ұлықтау рәсімін төмендегі CNBC бейнетрансляциясынан тамашалауға болады.
Естеріңізге сала кетейік, бұған дейін инаугурация комитеті адамдарды іс-шараға жеке қатысуға емес, керісінше оны видеотрансляция арқылы көруге шақырған болатын.
![Трамп Трамп](https://cdn.nur.kz/images/1120/db52418338bb17ee.jpeg)
Бұрынғы президент Дональд Трамп ұлықтау рәсіміне қатыспайтынын мәлімдеген еді. Ол Ақ үйден шығып, Флоридадағы резиденциясына бет алған.
![АҚШ АҚШ](https://cdn.nur.kz/images/1120/b89feb834c0a9158.jpeg)
Сонымен қатар, салтанатты рәсімге өзге экс-президенттер - Джордж Буш, Барак Обама және Билл Клинтон әйелдерімен келді.
![Ұлықтау Ұлықтау](https://cdn.nur.kz/images/1120/75b07089d5952eff.jpeg)
БАҚ-тың ақпараты бойынша, ұлықтау рәсіміне шамамен 2 мың адам қатысуда. 20 мыңнан астамы - қауіпсіздікті қамтамасыз етуге міндетті күзетшілер.
![Ұлықтау рәсімі Ұлықтау рәсімі](https://cdn.nur.kz/images/1120/9720b79a481817ac.jpeg)
"Мен, кіші Джозеф Робинетт Байден, Америка Құрама Штаттары президентінің міндеттерін адал орындауға және өз мүмкіндігімше Америка Құрама Штаттарының конституциясын қолдап, қорғауға салтанатты түрде ант беремін", - деді АҚШ-тың 46-шы президенті.
Ұлықтау рәсімінде АҚШ тарихындағы тұңғыш әйел вице-президент атанған Камала Харрис те ант берді.
Мақаланың түпнұсқасы: https://kaz.nur.kz/politics/1894814-aks-ty-46-sy-prezidenti-dzo-bajdenni-lyktau-rsimi-kalaj-tip-zatyr-video/