"Еліміздің салт-дәстүріне қарсы": Тоқаев Әулие Валентин күні туралы қандай пікірде

Президенттің баспасөз хатшысы өзінің Facebook парақшасында Қасым-Жомарт Тоқаевтың 2017 жылы Twitter желісінде Әулие Валентин күніне қатысты жазған жазбасын жариялады. Сол кезде Тоқаев парламент төрағасы қызметін атқарған еді.

Берік Уәлидің сөзінше, Қасым-Жомарт Тоқаев бұл туралы төрт жыл бұрын жазған.

"Әулие Валентин күні" Батыстан келген еліміздің болмысына және салт-дәстүріне мүлдем қарсы болып тұрған ұғым. Жастарымыз оны түсіну керек", - деп жазған Тоқаев 2017 жылдың 14 ақпанында.

Желі қолданушыларының басым көпшілігі президенттің сөзін қолдап, бұл ойды құп көрген.

Еске сала кетсек, Берік Уәли Қасым-Жомарт Тоқаевтың жас кезіндегі фотосын жариялаған болатын.

Суреттер Қазақстан президенті баспасөз хатшысының Instagram және Facebook парақшаларында жарияланған.

"1979 жыл. Подмосковьедегі сенбілік. Бұл кезде Қасым-Жомарт Кемелұлы КСРО Сыртқы істер министрлігінде атташе қызметін атқарып жүрген болатын", - делінген жазбада.