Мұрат Бектанов Қорғаныс министрі болып тағайындалды
Опубликовано:
![Мұрат Бектанов Мұрат Бектанов](https://cdn.nur.kz/images/1120x630/85ad7a881481a295.jpeg)
Мемлекет басшысы Қасым-Жомарт Тоқаевтың жарлығымен Мұрат Бектанов Қорғаныс министрі болып тағайындалды деп хабарлайды Ақорданың баспасөз қызметі.
"Мұрат Кәрібайұлы Бектанов Қазақстан Республикасының Қорғаныс министрі лауазымына тағайындалсын", - делінген президент жарлығында.
Сонымен қатар, Мұрат Бектанов мемлекет басшысының өкімімен Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы лауазымынан босатылды.
Сондай-ақ, президент жарлығымен Нұрлан Ермекбаев қорғаныс министрі лауазымынан босатылды.
Айта кетейік, бұған дейін Қасым-Жомарт Тоқаев Нұрлан Ермекбаевтың қызметтен босату жөніндегі өтінішін қабылдаған еді.
Мақаланың түпнұсқасы: https://kaz.nur.kz/politics/1929669-murat-bektanov-qorganys-ministri-bolyp-tagaiyndaldy/