БАҚ: Жириновский медикаментозды ұйқыдан оянып, есін жиды

Ресей либералды-демократиялық партиясының басшысы Владимир Жириновский медикаментозды ұйқыдан оянып, есін жиды. Қазір ол көмекшілерінен құжаттарды қабылдап жатыр, деп жазады дереккөзге сілтеме жасаған ТАСС агенттігі.

"Жириновский медикаментозды ұйқыдан оянды. Ол қайта құжат қабылдауда", -деп хабарлады дереккөз.

Сондай-ақ, бұл шара ағзаны қолдау үшін ұдайы қабылданатыны атап өтілді.

9 ақпан күні Ресей Федерациясының Денсаулық сақтау министрлігі Жириновскийден коронавирус анықталған соң оны Орталық клиникалық ауруханаға жатқызғанын хабарлаған еді.

Ведомство дерегінше, РЛДП басшысы медициналық мекемеге 2 ақпан күні түскен.

Осы уақытқа дейін оның жағдайы тұрақты деп бағаланған еді. Ал РЛДП өкілдері партия басшысы ауруынан айығып, жұмысын жалғастырып жатқанын айтқан болатын.

Дегенмен, аты аталмаған дереккөздерге сілтеме жасаған Telegram-арналар дденсаулығы нашарлағанын хабарлап жүрді.