Тоқаев қазақстандықтарды Амал мерекесімен құттықтады

Мемлекет басшысы Қасым-Жомарт Тоқаев қазақстандықтарды Амал мерекесімен құттықтады деп хабарлайды KAZ.NUR.KZ.

Президент өз тілегін Twitter парақшасында жазды.

"Барша Қазақстан халқын Амал мерекесімен құттықтаймын. Ықылым заманнан бері бабаларымыз бұл күнді "Амал келді, жыл келді" деп ерекше қуанышпен қарсы алған. Дәстүр бойынша осы күні қыстан аман шыққан жұртымыз төс қағысып көріскен. Жыл мерекелі де берекелі болсын!",- деп жазды ол.

Естеріңізге сала кетсек, бүгін Қазақстан үкіметі интернетте сыртқы макроэкономикалық жағдайларға байланысты туындайтын проблемалар жайында хабарламалардың жиілеуіне түсініктеме беріп, мәлімдеме жасады.