Тоқаев алдағы айда Қырғызстанға мемлекеттік сапармен барады
Опубликовано:
Мемлекет басшысы Қасым-Жомарт Тоқаев Қырғызстан президенті Садыр Жапаровпен телефон арқылы сөйлесті, деп хабарлайды Ақорда.
Әңгімелесу барысында президенттер сауда-экономикалық ынтымақтастық пен халықаралық аренадағы өзара іс-қимылды нығайтуға баса назар аудара отырып, қазақ-қырғыз стратегиялық әріптестігінің даму перспективаларын талқылаған.
Сондай-ақ мемлекет басшысы биылғы мамыр айында Қырғызстанға жасайтын мемлекеттік сапары екі ел арасындағы стратегиялық әріптестікке сөзсіз тың серпін беретінін атап өткен.
Сонымен қатар Қасым-Жомарт Тоқаев Садыр Жапаровты Құмтөр алтын кен орнының мәртебесі туралы келіссөздердің сәтті аяқталуымен құттықтады.
Бұдан бөлек президенттер бірін-бірі қасиетті Рамазан айының басталуымен құттықтады.
Еске сала кетсек, бұған дейін Қасым-Жомарт Тоқаев Өзбекстан президенті Шавкат Мирзиеевпен, Түркия президенті Режеп Тайып Ердоғанмен, Қатар әмірі шейх Тамим бен Хамад Әл Тәнимен телефон арқылы сөйлескен болатын.
Мақаланың түпнұсқасы: https://kaz.nur.kz/politics/1963801-toqaev-aldagy-aida-qyrgyzstanga-memlekettik-saparmen-barady/