Бүгін Тоқаевтың туған күні: Президентке кімдер құттықтау хатын жолдауда

Ақорданың баспасөз қызметі мемлекет басшысы Қасым-Жомарт Тоқаевтың туған күніне орай құттықтау хаттары әлі де келіп түсіп жатқанын хабарлады.

Президентті туған күнімен құттықтаған тұлғалар арасында шет мемлекеттердің басшылары, парламент төрағалары, үкімет басшылары және шетелдік мемлекеттік органдардың, халықаралық ұйымдар мен дипломатиялық миссиялардың, коммерциялық мекемелердің жетекшілері, шығармашылық және ғылыми зиялы қауым өкілдері бар.

Атап айтқанда, Ресей президенті Владимир Путин, ҚХР төрағасы Си Цзиньпин, Түркия президенті Режеп Тайип Ердоған, Беларусь президенті Александр Лукашенко, Қырғызстан президенті Садыр Жапаров, Түрікменстан халық мәслихатының төрағасы Гурбангулы Бердімұхамедов, Корея республикасының президенті Юн Сок Ёль, Ресей үкіметінің төрағасы Михаил Мишустин, Ресей федералды жиналысы федерация кеңесінің төрағасы Валентина Матвиенко, Ресей Федерациясы мемлекеттік думасының төрағасы Вячеслав Володин, Еуразиялық экономикалық комиссия алқасының төрағасы Михаил Мясникович, Түркі мемлекеттер ұйымының бас хатшысы Бағдат Әміреев, ТМД атқару комитетінің төрағасы – атқарушы хатшысы Сергей Лебедев, ТМД-ға мүше мемлекеттердің парламентаралық ассамблеясы кеңесінің бас хатшысы Дмитрий Кобицкий, ұжымдық қауіпсіздік шарт ұйымының бас хатшысы Станислав Зась және басқалар құттықтау жеделхаттарын жолдаған.

Сонымен қатар мемлекет басшысын туған күнімен Өзбекстан президенті Шавкат Мирзиеев, Түрікменстан президенті Сердар Бердімұхамедов, Тәжікстан президенті Эмомали Рахмон және Әзербайжан президенті Ильхам Әлиев телефон арқылы құттықтаған.

"Құттықтаулар әлі де келіп түсіп жатыр", - дейді президенттің баспасөз қызметі.

Айта кетейік, бүгін, 17 мамырда Қасым-Жомарт Тоқаев 69 жасқа толды.