Қасым-Жомарт Тоқаевты Қырғызстан президенті қалай қарсы алды (фото, видео)
Опубликовано:
Қырғызстан президентінің "Ала-Арча" резиденциясы аумағындағы "Ақ кеме" мәрмәр шатырында мемлекет басшысы Қасым-Жомарт Тоқаевты ресми қарсы алу шарасы өтті. Бұл туралы Ақорда Борт №1 Telegram арнасында хабарлады.
Президент баспасөз қызметінің мәліметінше, Құрмет қарауылының бастығы екі ел басшыларына рапорт беріп, Қазақстан мен Қырғызстан әнұрандары шырқалған.
Содан кейін Қасым-Жомарт Тоқаев пен Садыр Жапаров бір-біріне ресми делегациялардың құрамын таныстырды.
Еске сала кетсек, бүгін, 26 мамырда мемлекет басшысы Қасым-Жомарт Тоқаев президент Садыр Жапаровтың шақыруымен Қырғызстанға ресми сапармен барған болатын.
Мақаланың түпнұсқасы: https://kaz.nur.kz/politics/1971125-qasym-zomart-toqaevty-qyrgyzstan-prezidenti-qalai-qarsy-aldy-foto-video/
