Тоқаев Қырғызстанға ресми сапармен барды (фото, видео)

Мемлекет басшысы Қасым-Жомарт Тоқаев президент Садыр Жапаровтың шақыруымен Қырғызстанға ресми сапармен барды. Бұл туралы Ақорда Борт №1 Telegram арнасында хабарлады.

Мемлекет басшысының баспасөз қызметінің мәліметінше, Қазақстан президентін Бішкектің "Манас-2" халықаралық әуежайынан Қырғыз Республикасы министрлер кабинетінің төрағасы – Президент әкімшілігінің басшысы Ақылбек Жапаров пен осы елдің бірқатар ресми тұлғасы қарсы алған.