Алматы әкімі Ерболат Досаев қанша жалақы алатынын айтты

Алматы әкімі Ерболат Досаев қанша жалақы алатынын айтты, деп хабарлайды KAZ.NUR.KZ тілшісі.

Орталық коммуникациялар қызметінде өткен брифингте журналистер Алматы әкімінен қанша жалақы алатынын сұрады.

"980 мың теңге. Кейде бізге барлық мемлекеттік қызметкерлер сияқты сыйақы беріледі. Айлығым 980 мың теңге", - деп жауап берді Ерболат Досаев.

Естеріңізге сала кетейік, бұған дейін Ерұлан Жамаубаев үкімет кулуарында жалақысының мөлшерін айтқан болатын.

Жамаубаевтың сөзінше, ол Қаржы министірінің міндетін ғана емес, вице-премьер қызметін де қоса атқарады. Сондықтан шамамен айына 1,5 миллион теңге көлемінде жалақы алады.