Бақыт Сұлтанов премьер-министрдің орынбасары – Сауда және интеграция министрі лауазымынан босатылды

Мемлекет басшысының жарлығымен Бақыт Сұлтанов премьер-министрдің орынбасары – Сауда және интеграция министрі лауазымынан босатылды, деп хабарлайды Ақорда.

Айта кетейік, Бақыт Сұлтанов Сауда және интеграция министрі болып 2019 жылғы 17 маусымда тағайындалған еді.

Биылғы жылдың 11 қаңтарында ол премьер-министрдің орынбасары – Сауда және интеграция министрі болып қайта тағайындалды.

Одан бөлек Президент әкімшілігі басшысының орынбасары, Экономика және бюджеттік жоспарлау министрі, Қаржы министрі, Астана қаласының әкімі (қазіргі Нұр-сұлтан) сынды түрлі лауазымды қызметтерді атқарған.