Ерлан Тұрғымбаев президенттің кеңесшісі лауазымынан босатылды
Опубликовано:
Ерлан Тұрғымбаев Қазақстан президентінің кеңесшісі лауазымынан босатылды, деп хабарлайды Ақорда.
"Мемлекет басшысының өкімімен Ерлан Заманбекұлы Тұрғымбаев Қазақстан Республикасы президентінің кеңесшісі лауазымынан босатылды", - делінген хабарламада.
Айта кетейік, Ерлан Тұрғымбаев президенттің кеңесшісі лауазымына биылғы жылдың ақпан айында тағайындалған еді.
Оған дейін еліміздің Ішкі істер министрлігін басқарды.
Одан бөлек Ішкі істер министрлігі Тоғызыншы департаментінің бастығы, ІІМ Қылмыстық полиция департаментінің бастығы, Солтүстік Қазақстан облысы Ішкі істер департаментінің бөлім бастығы, бастығы, ІІМ Тергеу комитетінің бастығы, Алматы қаласы Ішкі істер департаментінің бастығы, Ішкі істер министрінің орынбасары сынды лауазымды қызметтер атқарған.
ІІ дәрежелі "Айбын" орденінің, І дәрежелі "Қайсар" белгісінің, І және II дәрежелі "Даңқ" орденінің иегері.
Мақаланың түпнұсқасы: https://kaz.nur.kz/politics/1983622-erlan-turgymbaev-prezidenttin-kenessisi-lauazymynan-bosatyldy/
