Тоқаев Қырғызстан президентіне көңіл айтты

Мемлекет басшысы Қасым-Жомарт Тоқаев Ресейдің Ульянов облысында болған жол апатынан қырғыз азаматтарының қаза табуына байланысты Садыр Жапаровқа көңіл айтты, деп хабарлайды президенттің ресми БОРТN1 Telegram арнасы.

"Қасым-Жомарт Тоқаев Қырғыз республикасы азаматтарының Ресей федерациясының Ульянов облысында жол апатынан қаза табуына байланысты президент Садыр Жапаровқа және барша қырғыз халқына көңіл айтты", - делінген хабарламада.

Сондай-ақ мемлекет басшысы жеделхатта қайтыс болған азаматтардың туған-туыстары мен жақындарына көңіл айтқан.

Айта кетейік, бұған дейін Тоқаев Түркия президенті Реджеп Тайип Ердоғанға елдің Мардин және Газиантеп провинцияларындағы жантүршігерлік жол-көлік апаттарынан көп адамның қаза табуы мен бірқатар азаматтың ауыр жарақат алуына байланысты көңіл айтқан.