Тоқаев Қостанай облысына барды

Мемлекет басшысы Қасым-Жомарт Тоқаев Қостанай облысына жұмыс сапарымен келді, деп хабарлайды президенттің баспасөз қызметі Telegram-каналында.

"Мемлекет басшысы Қасым-Жомарт Тоқаев Қостанай облысына жұмыс сапарымен келді. Сапар барысында Әулиекөл ауданындағы өрт сөндіру жұмыстарымен танысады", - делінген хабарламада.

Еске сала кетейік, кеше, 4 қыркүйек күні кешкісін Қостанай облысында жергілікті ауқымдағы төтенше жағдай режимі енгізілген болатын.

4 қыркүйек сағат 21:00-дегі жағдай бойынша, Әулиекөл ауданындағы өрт аумағы 43 мың гектардан асқан.

Оқиға орнына тікұшақтар, ұшақ және 2 мыңнан астам адам жұмыс істеуде.