Қостанай облысында жергілікті ауқымдағы ТЖ жарияланды

Опубликовано:

Қостанайдағы өрт
Фото: Қостанай облысының әкімдігі

Бүгін Қостанай облысы бойынша жергілікті ауқымдағы ТЖ жарияланды, деп хабарлайды өңір әкімдігінің сайты.

Облыс әкімдігінің хабарлауынша, алдағы уақытта әкімдік резервінен зардап шеккендерге көмек көрсетілді. Бұл, ең алдымен, жатын орын және тамақтану.

"1800 адам эвакуацияланды. Мектептерде 200-ге жуық адам тұрақтады. Көбі қауіпсіздігін тексеріп өз үйлеріне оралды, қалғандары туыстарын паналады", - деп жазылған хабарламада.

Аймақ басшысы хабарлағандай, зардап шеккендердің жаңа үй салуға немесе өтемақы алуға мүмкіндігі бар. Үйлердің құрылысы қысқа мерзімде жүзеге асырылады.

"Бүгін 108 ғимарат зардап шекті, оның ішінде 98 үй толығымен өртенді. Қазір басты міндет - өртті толығымен ауыздықтау. Ірі кәсіпорындар мен шағын бизнес шет қалмайды және зардап шеккендерге барлық жағынан көмек көрсетіледі. Жақын күндері жұртшылық барлық азаматтар қолдау көрсете алатын қор ашуды жоспарлап отыр", - деді әкімдіктегілер.

Мақаланың түпнұсқасы: https://kaz.nur.kz/society/1986103-qostanai-oblysynda-zergilikti-auqymdagy-tz-zariyalandy/