Тоқаев туға байланысты Қоянбаев бастаған челленджді қолдап, желіде пікір қалдырды

Опубликовано:

Қазақстан туы
Көрнекі фото: piqsels.com

Қасым-Жомарт Тоқаев желіде Нұрлан Қоянбаев жариялаған Қазақстан туымен байланысты челленджін қолдап, Instagram-да пікір қалдырды, деп жазады KAZ.NUR.KZ.

Нұрлан Қоянбаев бастаған челлендж мақсаты Instagram желісінде жазылған пікірлер саны бойынша Гиннес рекордын орнату болатын.

Айта кетейік, Қазақстан туы бар жазба 2020 жылдың 25 маусымында жарияланған. Содан бері Қазақстанның мемлекеттік туы жарияланған жазба астына 13 миллионнан астам адам пікір қалдырған. Бүгін Қазақстан туымен байланысты аталмыш флешмобқа ел президенті де қатысты.

"Көк туымыз мәңгі желбірей берсін", - деп жазды Тоқаев.

Қасым-Жомарт Тоқаевтың желіде қалдырған пікірі
Қасым-Жомарт Тоқаевтың желіде қалдырған пікірі. Скриншот: NUR.KZ

Бұған дейін Қоянбаев әлемдік рекордты жаңарту үшін 100 миллионнан астам пікір жазу керектігін айтқан болатын.

"Егер миллионға жуық қазақстандық 100 пікір қалдырса, біздің мемлекеттік туымыз әлемдегі ең танымал суретке айналады", - деген еді ол.

Мақаланың түпнұсқасы: https://kaz.nur.kz/politics/1993117-toqaev-kok-tuga-bailanysty-qoyanbaev-bastagan-cellendzdi-qoldap-zelide-pikir-qaldyrdy/