Тоқаев ресми сапармен Ресейге келді (фото, видео)
Опубликовано:
Мемлекет басшысы Қасым-Жомарт Тоқаев 27 қарашада Владимир Путиннің шақыруымен Ресей Федерациясына ресми сапармен келді. Бұл туралы Қазақстан президентінің баспасөз қызметі Telegram-дағы ресми арнасында хабарлады.
Баспасөз қызметінің хабарлауынша, мемлекет басшысы бүгін Мәскеуде Ресей президентімен келіссөз жүргізеді.
Сондай-ақ екі елдің басшылары Қазақстан мен Ресейдің Өңіраралық ынтымақтастық форумының жұмысына бейнебайланыс режимінде қатысады.
Сонымен қатар президенттің баспасөз қызметі Қасым-Жомарт Тоқаевты Мәскеудегі "Внуково-2" әуежайында ресми қарсы алу рәсімінен видео жариялады.
Айта кетейік, осы аптада мемлекет басшысы Францияға да ресми сапармен барады.
Мақаланың түпнұсқасы: https://kaz.nur.kz/politics/1999137-toqaev-resmi-saparmen-reseige-keldi-foto-video/