Руслан Желдібай Президент әкімшілігі басшысының орынбасары – президенттің баспасөз хатшысы болды

Руслан Желдібай Президент әкімшілігі басшысының орынбасары – президенттің баспасөз хатшысы болып тағайындалды, деп хабарлайды Ақорда ресми сайтында.

"Мемлекет басшысының Жарлығымен Руслан Сұлтанұлы Желдібай Қазақстан Республикасы Президентінің әкімшілігі басшысының орынбасары – Президенттің баспасөз хатшысы болып тағайындалды, ол бұрынғы атқарған лауазымынан босатылды", - делінген хабарламада.

Айта кетейік, Руслан Желдібай 1989 жылы Жамбыл облысында туған.

Тұрар Рысқұлов атындағы Қазақ экономикалық университетін, Уорик университетін бітірген.

Еңбек жолын 2012 жылы "Қазақстан" телеарнасында редактор болып бастаған.

2012-2018 жылдары "Алматы" телеарнасында бөлім басшысы, продюсер болған.

2018-2019 жылдары Ақпарат және коммуникациялар комитетінің интернет кеңістігіндегі және әлеуметтік желілердегі ақпараттық жұмыс жөніндегі басқарма басшысының міндетін атқарушы, басшысы лауазымын атқарған.

2019-2020 жылдары Ақпарат және қоғамдық даму министрлігінің ақпарат комитеті төрағасының орынбасары болып қызмет еткен.

2020-2022 жылдары Президент әкімшілігінің ішкі саясат бөлімі меңгерушісінің орынбасары болды.

2022 жылғы ақпаннан сәуірге дейін премьер-министр кеңсесі басшысының орынбасары лауазымын атқарды.

2022 жылғы 14 сәуірде Президенттің баспасөз хатшысы қызметіне тағайындалды.