Әзербайжан президентінің Астанаға ресми сапары аясында 6 құжатқа қол қойылды

Әзербайжан президентінің Астанаға ресми сапары аясында 6 құжатқа қол қойылды, деп хабарлайды Ақорда Telegram-дағы ресми арнасында.

1. Қазақстан Республикасының Ақпарат және қоғамдық даму министрлігі мен Әзербайжан Республикасының Жастар және спорт министрлігі арасындағы Өзара түсіністік және ынтымақтастық туралы меморандум;

2. Қазақстан Республикасының "Отандастар қоры" Коммерциялық емес акционерлік қоғамы мен Әзербайжан Республикасының Диаспорамен жұмыс жөніндегі мемлекеттік комитеті арасындағы Өзара түсіністік туралы меморандум;

3. Қазақстан Республикасының Ұлттық ғылым академиясы мен Әзербайжан Ұлттық ғылым академиясы арасындағы Ғылыми ынтымақтастық бойынша өзара түсіністік туралы меморандум;

4. "Қазақстан Республикасы президентінің телерадиокешені" Коммерциялық емес акционерлік қоғамы мен Әзербайжан мемлекеттік ақпарат агенттігі арасындағы Ынтымақтастық және өзара түсіністік туралы меморандум;

5. "Қазақстанның Сыртқы сауда палатасы" Жауапкершілігі шектеулі серіктестігі мен Әзербайжан Республикасының Шағын және орта бизнесті дамыту агенттігі арасындағы Өзара түсіністік туралы меморандум;

6. Қолданбалы этносаяси зерттеулер институты мен Баку халықаралық мультимәдениеттілік орталығы арасындағы Ғылыми және мәдени ынтымақтастық туралы меморандум.

Сондай-ақ келіссөздердің қорытындысы бойынша Қасым-Жомарт Тоқаев пен Ильхам Әлиев Бірлескен мәлімдемеге және Қазақстан Республикасы мен Әзербайжан Республикасының Жоғары мемлекетаралық кеңесін құру туралы хаттамаға қол қойған.

Еске сала кетейік, бүгін мемлекет басшысының шақыруымен Әзербайжан президенті Ильхам Әлиев ресми сапармен Қазақстанға келді.

Ақордада Ильхам Әлиевті салтанатты қарсы алу рәсімінен кейін екі елдің басшылары шағын және кеңейтілген құрамда келіссөз жүргізді.