Ернар Лазар Сыртқы саясат және халықаралық байланыстар бөлімінің меңгерушісі болып тағайындалды

Ернар Лазар Президент әкімшілігі Сыртқы саясат және халықаралық байланыстар бөлімінің меңгерушісі лауазымына тағайындалды. Бұл туралы Ақорда Telegram-дағы ресми арнасында хабарлады.

"Мемлекет басшысының өкімімен Ернар Лазар Қазақстан Республикасы Президенті Әкімшілігінің Сыртқы саясат және халықаралық байланыстар бөлімінің меңгерушісі лауазымына тағайындалды", - делінген хабарламада.

Айта кетейік, бүгін сауда және интеграция министрінің бұйрығымен Айдар Ахметбекұлы Әбілдабеков Сауда және интеграция министрлігі Сауда комитетінің төрағасы қызметіне тағайындалған болатын.

Сондай-ақ Еңбек және халықты әлеуметтік қорғау министрінің бұйрығымен Асқарбек Маратұлы Ертаев Еңбек және халықты әлеуметтік қорғау министрлігінің Көші-қон комитетінің төрағасы болып тағайындалғанын жазған едік.