"Менің бұған қатысым жоқ": Ұлттық экономика министрі інісінің лауазымды қызметке тағайындалуына қатысты пікір білдірді

Ұлттық экономика министрі Әлібек Қуантыров үкімет кулуарында туған інісінің "Қазатомөнеркәсіпте" лауазымды қызметке тағайындалуына қатысты пікір білдірді, деп хабарлайды KAZ.NUR.KZ.

"Шынымен, ол менің туған інім. Бұл жерде ешқандай непотизм (туыстары немесе достары үшін артықшылық – ред.) жоқ. Менің бұған еш қатысым жоқ. Ол тағайындаудың заңды процедураларынан өткен адам.

Ол Колумбия университетінің үздік құқық мектептерінің бірі – Лига университетін бітірген. Ол президенттік жастар кадрлық резервінің мүшесі, оған өту оңай емес, іріктеуден өту өте қиын. Мен өзім қатысқан соң білемін және резервке қатысушылар да оған өту қаншалықты қиын екенін біледі.

Оның халықаралық құқық саласында, әділет органдарында тәжірибесі бар, осы салада 13 жыл жұмыс істеген. Сонымен бірге құқықтық мәселелерге жауап беру - критерийге сай, заңды түрде өтті", – дейді Әлібек Қуантыров.

Ал тілшілердің ініңізге сұхбаттасудан қалай өту керектігін немесе тағайындауға қатысты қандай адамдармен сөйлесу керектігі туралы кеңес бердіңіз бе, деген сауалына министр:

"Өте қызық сұрақ. Мен оған бала кезімнен дұрыс тәрбиеге, өзін ұстауына және т.б. қатысты кеңестер беремін", – деп жауап берді ол.

Айта кетейік, таяуда Ұлттық экономика министр Әлібек Қуантыровтың інісі Ермек Қуантыров "Қазатомөнеркәсіп" Ұлттық атом компаниясы" АҚ-ның құқықтық сүйемелдеу және сатып алу жөніндегі бас директоры болып тағайындалған еді.